الریمله آنلارام

اولورسا دوشونجه­مله دویارام

گونشیمی نئجه تاپیشیریم سنه

بئش دقیقه قالیر شاعیراولماما

گوز قاپانیب آچیلینجا

بیر سیگارانی آلیشدیریب بوغونجاق

بیرهن دینجک

بلکه بویویه­رم

اوجالارام

سانجی دولوثانیه لر

4دقیقه قالیر اینسان اولماما

ایشیقمی نئجه بوراخیم الرینه

سیگارا دادیندادیر الرین

هووشنه قوخوسو وئریر یازیشملارین

هه

من دیشله­ریمله بوله­رم

دیرناقلاریملا توتارام

اولورسا ... بوراخ سورما

3دقیقه قالیر آدم اولماما

بولودومو نئجه قارالدیم یاغدیرماغا

2دقیقه قالیر قادین اولماما

نئجه دینج- دینج گولوشوم

ارته له نیبدیر بوتون دقیقه­لر

ارته له نیبدیر بوتون بولوملر

قاریشیبدیر،بولانیبدیر

نئجه یاغیم بولانیقلارا

1دقیقه قالیر دوغولماما

نئجه سالاملاشیم

نئجه یارلانماداندوروم

بوشونادیر،هاوادیر

منده یارانمیشام قاریشماغا

صیفر دقیقه قالیر وارلیغیما

نه قادینام نه ارگک

نه آغلیرام ،نه گولورم

بیردیقویام ،چیلدیرمیش

بلکه ضللوم یارسی

هئچ زامانا سیغمیر

 نه وارم، نه قادینام، نه آدامام، نه اینسان، نه ده شاعیر

یوخ کیمی یوخام