آتاسی یوخودو

آناسی...دئدینه کوره فاحیشه اولموشدو قارداش توپراغیندا

کوبه­لک کیمی یئره­دن چیخمیشدی

اویکوسو یوخودو

تبریزین کوکیندن کوکله­نیب

آرازلارادان قایتمیشدی

بولونموش توپراغینین قارا یوزوندن

آدی طرلانیدی

چاغیراندا آغلاردی اوره­یی

گوللردی اؤزو

آتاسی توکورموش

آتاسی آراز

تانیمادیم

باغیشلا

آراز اولموشدوم

دئلی – دیوانه

یارالاییردیم اؤزم –اوزمو

باجیمی سیغیشدیرمیشدیم دوارا

زولا سوویشیردیم

آغلایشلاریمی گؤرمورودیم

یارالاریمی سوکوردیم

یانیق اوره­گه اود قالییردیم

باغیشلا

آراز اولموشدوم

قوردوقان-قانلی

آچ قارنیمدان قوپاریردیم

اوشوین گوده مدن قوپاردیردیم دریمی قانیمی

باغیشلا

تانیمادیم

دوغولدوغوم گونو سیلدیم بئله

کوراولودوم

کار اولدوم

ال­سیز-آیاق سیز

یارا اولدوم چیبان اولدوم

شرفسیزللره شرف

باغیشلا تانیمادیم

بوردا دئییدیم کی

ان گؤزه­ل خیاللاریمدا

یارا دئشیردیم

دوز سه­پردیم

اوره­ک سوکوردوم

کوره­ک سوکوردوم