| تبليغات | X |
|
ادبی وئبلاق
|
هئچ می منه گونش دوغمویاجاق آنا
هاردا دوغدون منی
هاردا هیچقیریقلارا بوغدون منی
هئچ می روهوم دینجلمییه جک
بو نه قارانلیقدیر آنام
دوغوشوم ساواشلارلا
گوز آچلیشیم قانلارلا
بوی آتیشیم قانلی باخیشلارلا
چوشه لرده سئوینب قاشمالاریم
آل بویالی گؤوده لرله
اویونجاقلاریم بئله قان گوخویور
گئنجلیگیم بئله سانسورلارلا دولو
سئوگیلریم گوشه لرده ایتمیش
هئچ می منه گونش دوغمویاجاق آنا
بو نه دوغوش بو نه سانجی
بو نه اؤلکه به
اودورام هیچقیریقلاریمی
آما آخی بو نه
سئوگیلریمیز
سئویشمه لریمیز
ائن قودسال تاپاناقلاریمیز بئله ساواش
بو نه
نه دن منی بورادا دوغدون
اؤلکمه
یاشاما
توپراغیما
دیلیمه ساواش
قادیملیغیما بئله ساواش
آش-آش-یارادیغینلا ساواش
