نه بیری واردی ،نه بیری یوخدو

منده یوخودوم ،یوخودوم یوخودو

یابانجی گول گوخویوردو ساچلاریم

سنین اوپدویون ساچلاریم

اوپدویون یوخدو

یابانجی گولده

ساچلاریمدا

الریمله آنلارام

اولورسا دوشونجه­مله دویارام

گئده­جگسن

دالغالان، بوگون گئجه­مه یاران

دوزون بیلمک ایسته­ییرسن

بیلمیرم! نئچه­اینجی اولدغونو

نئچه ­اینجی قوجاقسان بئله سویوق

اوتانجلار سه­پیلسین آیاقلاریم آلتینا

حورمتللر دورانسین اللریمده

دانیشمام،سورمامم ،یالنیز باخارام

بو چیغیرتی دئییل

یاری دارگاشاید ،یاری قادینام

یاری اورتولو ،یاری چیلپاق

یاری شاعیر،یاری...!

دئیش

باشادان آیاغا  دوغول

گئده­جکسن

بوگون گئجمده یاران

دوزون بیلمک ایسته­ییرسن

دوراقسیز ائوده­سن، دوراقسیز اوره­کده

دوراقسیزیولدا

یولونو سرمیشم

گئه­ده­جکسن یغشدیریغشدیراؤره­یینی

قایناییر قافام

دیقولار قورشونا باغلانیر

یابانجی چوچه­ده تانریلا زینادادیر او کیشی

اوشاق اوپور ،بوتون شهوتیله

اؤفکه دوغولور

انیتیحارا سورولور، تجاوزودان یارالی قادین

ازدیحام

 قایناییر قافام

دیقولار قورشونا باغلانیر

یوخ!

اودوزان من دئییلم کی

اویون گره­یدیر

اودوزان من دئییلم کی!

خاطیرلامادیغیم ایلک گؤلوشومدور

دوغولدوغومدان  بری آغلاما گره­یمدیر

ازدیحام

قایناییر قافام

اودوزان من دئییلم کی

دیقولار قورشونا باغلانیر

یوخ!

اودوزان من دئییلم کی

بلکه بو شهره­دیر

یاشادیغیمدان بری گیزله­نه­جک دوغامدیر

بلکه دوغولامادان قارنیمدا اولدوردویوم کورپه­للردیر

اودوزان من دئییلم کی

ازدیحامدان دئلی قافامدیر

آنامدیر

آتامدیر

اولدوره بیلمه­دیم او کیشی­دیر

بلکه­ده اینتیحارا دایانمیش او قادیندیر

سیله بیلمه­دیم اوفکه­مدیر

اودوزان من دئییلدیم کی

بکله اوره­ییمدیر

بلکه­ده آریندیردیغیم ،

گونش قوخوسو قاتدیغیم   آرزیدیر،اومودودور

بلکه...

باغیشلا

بوردا دئییلدیم

جئیران اولموشدوم

یانیق خیاللار داغیلیمیشدیم

توپراغیمدان سورولموشدوم

اؤزومه داغ چکیریدیم

اؤزومه باغ چکیردیم

توپراقدان

دونییا ایناد

اوزمه گؤز چکیردیم

تانیمادیم

باغیشلا

بوردا دئییلدیم

طرلان اولموشدوم

طرلان

حامچی قادینیدی

سورولموشدو توپراغیندان

اوزاقلاشمیشدی

طرلان

یالنیز یاشاردی

های ایچینده

اونموزده‑گی گئچیدللرده

بوائوده بوراخدیم

 گوزلریمی ،آغزیمی

گؤلوشلریمی ،گؤز یاشلاریمی

گولاغلاریمی بئله

آچیغیما گلسه نه اولور

اورییمه­ دیسه نه اولور

کورام،ساغیرام،

دیلسیزم ،دویقوسوزام

ماتریالدان اوزق

گیج فلسفه­للردن اوزاق

بو شهرده

 اونموزده کی کئچیدللرده

بوقاپیدا

اونودوم اورییمی

اونودوم تانرینی

سئومه­یی

بو ائوده بوراخدیم ثانیه­للری،

یاشامی ،اوزلمی

سینسازام دا

بو ائوه

بو گئچیدللر

بوقاپی

هیس

اویاندیرما ،

قوی اویوسون  گؤزو باغلی کورپه­لریم

تیکسیندیرمه بو چنی

گیزلی قالسین آل یاناقلی دوشلرین

هیس ...

یواشجا آچ ایشیقی

گونش ساچیلماسین  بوز دورارینا

سو آلماسین گول قوخولو اللریمی

قان گوخلو گؤوده­می

هیس ...

یواشجا

هادیر اول

دانیشدیرما ها

قالانمیش اوفکه­للر،

سیر-سیفتسیز اؤکیللردایانیب اوردا

هیس

آستا-آستا گئد

بوغارکیمی یونوگیل!

چتالماسین گؤزببکلریم

چیپ-جالانمیش یاشلار

توز-توپراقلی

دئلیلر ،گئچیتلر ،اوزلملر دوروب قوروموندا

هیس...

یواشجا !یواشجا

باغلا قاپینی

مریمللر اویویوب قوجاغیمدا

باکیره لاله­للر

سؤویشمه­دن بویولوقالان قادینلار

ساتیلمادان فاحیشه  اولان گؤوده­للر

هیس ....

ائشیتمه­سین کیمسه

هیس ....

بیر گئجه

یارالارین یاساسی پوزولارکن.

یاسلی سوکوت- یاشلی سوکوت

باغیرتییا دؤنوشه­جک!

بیز 

بوتون توتساق اولدوزلارلا

اؤزله­شه­جه­ییک

تیلیسیم قارانلیقلا

و،گوله­للرین توشوایله

کئچه­جه ییک

شهیدلیک کئچیدیندن...

***

صاباح ،

اکیلندارآغاجلاریندان

گونش دره­جک اوشاقلار....

(ملیحه عزیزپو)

چؤرکلری قحبه­تری قوخویان

سیاست فاحشه­لری!

تاریخ زیبیللیکرینی  سؤمسونورکن

گؤرمه­دینیزمی کؤپکللرینیز آدینا

بیرپارچا سوموک بئله یوخدو؟!!

گؤرمه­دینیزمی،

وارلیغینیز بئله ،یوخلوق بیچیمیینده­دیر؟!!

بو بیزیک!

تاریخ یاشلی تورک!

ائله بیوک بیرسئودا دئییل

مدرن یاشام آنلایشی دئییک

گویللری آغلاتمادی

گوز خزرین آخیتمادی

بیر آدامیدی

اوردا دورمیشدی

ساققالی اوزون

بوغلاری دوداقدان آسیلی

اوزونو دانمیشدی

راحتجا دونیایا جالانمیشدی

گؤرکمی ائله ایدی

ائله بیل

اللری قادین گوده‑سینه دیمه­میشیدی

یوخومدا قادینلغیمی الیمدن الدیلار

قیز اوشاغی اوزلمه­له باخاندا

یتیشکینلییمه

بوتون اوشاقلیق اوزلمللریم

سانجلیدی اورییمه

تبریز یئنی قویلاغینا بورنونموش

گئجه قوندور

بورما –بورمادیر

دئلی-دئلی دیر گئچیدللر

آچیق توتساقدیر

 قارانلیقدا ساعات دورده

سئوگیللرآخینیردی

اوکسیز چاغ قادینلارلا اوخشاییردی

ائوللر سانجی وئریر سویوخدا

سولور سیجاقدا

سئودا دردی دئییل

توپراق ساواشی دئییل

دورما ساواشلایدیر

قان-قان دئیر کوچه­للر قانینا

Gəl، tut ،al، Sil، sül،süpür

Sevda şeri tökmirem

güzlərinə

qanmamazliq

Gəl ، tut، al

əsdirdiyin bu yeldən

damlaları

yanan xatirələrim dyir

Gəl ، tut،al

Sevda şeri tökmirem dodaqlarina

Gəl، tut ،al

Külnümü hər kəsə verməkdəyəm

سنی ده سئودیم  دوغولدوغوم بویئرللری ده

آنجاق نه سن منی  دینله_دین  

نه دوغولودغوم بو توپراقلار 

نه سن سئوگیمی آنلادین

نه  بو توپراقلار

سنده یاساق سئوگی بنزه ییرسن

بویئرللرده

منه سیغماز

قانیمدا پارچالانار

سایقیمدا بوغولار

یاشام دیرینمه­سی اولار

بویاز کیمی قانیندا قارالار

یرمی یتی مین پارچالانمیش دوشنجه­نی

قویلاغا وئرسن

منه سیغماز یاریم دئیرم

بوتولیکده سنده یاریلاشیرام

  هه جانیم اینسان دوغولاندان بری یا یاخشی دئییم یاراتیلاندان بری ارکنه لیق چاخلارینداندا بیر درده توشر کی چوخلاری بو درده آد تاپامادی لار آدینی سئوگی قویدولار و یاریدا بوراخانلارا وفاسیز آدی قویدولار آما، بیلمم من بو سانجییا نه آدی قویوم، بیلمم بو یانیب توتوشماغا نه دئییم؟ بلکه ده بیر ایستک یا یوخ، اوچوروم !سان نه دئرییرسن؟ نه اولار بو دویقویا یئنیلیک قاتالیم.گل والانتای گونونو دییشئک آیری گونو یئرینه یئرلشدیرک. بو یالان سوسو-پوسو ییغشدیراق بوتون یالانلاری قاپی دیشینا قویاق ،نیزامی نین دوغوم گونونو سئوگیلر گونو آدلاندیراق یادا سئوگینی ، عشقی،یا دا آشقی بوتون دؤنیادان ییغیشدیریب آیری بیر آد قویاق .هه نه دئییرسن ؟ آد آد آاااد... بیلمم ائله بیلسن یئنیلیکلره ده اولمالی آما یوخ!بیر سانییه ... چیبان نه توردی ؟یا دا چیریک بانکاسی!یاخشیدیر؟ئله باخما سن اؤلسن اویون دئییل !، آلای ائتمیرم. مئن سنی چیبانلاییرام!اهه اولمادی نه ائیلییم یئنیچیلیک ،یاراتیلیق یوخدو منده .کوسمه نه اولور دئمه هالیم یوخ .آیریلیغین منی دویونجاق دئلی ائلییب .هه اونوددوم سئوگیدن چوخ دانیشدیم گئل آیریلیغا بیر سؤز تاپاغ بیلمم بو  هالیما نه دئییم؟سنه نه دئییم ؟یانلیز باشما یالغیزلیغیمی یازیشانمیرام .گئت من سنه هئچ نه دئمیه جه یم. شاشما دئموکراسی بو دئمئک .نه سندن اکسلیب نده مندن .سن یولونا. من یولوما منیم سئوگیمه قارا یازیلار یازیلمامیش گئت اینان دلی اولمامیشام آلدیغین تربییئت بو. هئچ بیر ایش گؤرمم یالوارماغین دادینی شیرینلیغینی سنه دادیزمام.من آیرلیغا دئموکراسی دئیرم آما دور آیریسی نین تورونا توشسن سئوگی نین یئنی پارامئتلرین اونودما .دئموکراسی ،چیبان ، شاشما ............... 

یابانجی سانجی دیر تالانیب اورییمه

گؤز یاشی ­دیر

دامواورتامیدیر

فاجعه یه دونوشوب بوسئوگی

آغی­دیر  یوخسا !

یابانجی سانجی­دیر اورییمده­کی

Ürəyin boş dalandır

Güzlərin  sinix şüşə

Saçlarin yolunmış

əllirinsakit havaya bürünmüş

içindəki mən qoxumuş

tam bir rəzalət fotosu

گلچکسن یوللارین آچیق   

  گئدچکسن یوللارین آچیق 

  دورماق ایستدییین یول یام --یاشیل 

Adın mı

Yoxsa  büyüklüyün

Başını elə əymə

 گئتم

  دئمک سنی ده یاریمچیلیک یاشیاجایام 

  دئمک بؤلونه- بؤلونه زامانسیز ،ایریلیغا کؤچورلچیم 

  منی نه دن قورخودوسان؟ 

  تاپدیغین هانسی قودسالیقلاردان 

  هانسی تانریلاردا 

   کوسه بیلرسن  

  یانیق اوفکه نی منه چالایا بیلیرسن 

بو مستهلک سوگینی

توزلار ایچینده

 تور آتانلار

  هئچ می منه گونش دوغمویاجاق آنا  

  هاردا دوغدون منی  

  هاردا هیچقیریقلارا بوغدون منی 

  هئچ می روهوم دینجلمییه جک 

  بو نه قارانلیقدیر آنام 

  دوغوشوم ساواشلارلا  

  گوز آچلیشیم قانلارلا 

  بوی آتیشیم قانلی باخیشلارلا 

  چوشه لرده سئوینب قاشمالاریم 

  آل بویالی گؤوده لرله 

  اویونجاقلاریم بئله قان گوخویور 

  گئنجلیگیم بئله سانسورلارلا دولو 

  سئوگیلریم گوشه لرده ایتمیش  

  هئچ می منه گونش دوغمویاجاق آنا 

  بو نه دوغوش  بو نه سانجی 

  بو نه اؤلکه به  

  اودورام هیچقیریقلاریمی 

  آما آخی بو نه 

  سئوگیلریمیز  

  سئویشمه لریمیز  

  ائن قودسال تاپاناقلاریمیز بئله ساواش 

  بو نه  

  نه دن منی بورادا دوغدون 

  اؤلکمه 

  یاشاما  

  توپراغیما 

  دیلیمه ساواش 

  قادیملیغیما بئله ساواش 

  آش-آش-یارادیغینلا ساواش